Rusiyada 30 minə yaxın insan susuz qaldı
Rusiyanın Leninqrad vilayətində vətəndaşlara verilən içməli su kəsilib.
“Ölkə.Az” xəbər verir ki, Leninqrad vilayətinin Vsevolozk rayonuna gedən istiqamətinə verilən içməli suyun ana xətti dağılıb. Hadisə nəticəsində əraziyə verilən içməli su dayanıb.
Qəza bu gün baş verib. Nəticədə rayonda yerləşən 2 minə yaxın ev, ümumilikdə 30 minə yaxın insan susuz qalıb. Qısa vaxt ərzində bu böyük etirazlara səbəb olub. Məhz etirazlardan sonra baş verən əraziyə texniki briqada cəlb olunub. Lakin hələlik su xəttində baş verən qəza aradan qaldırıla bilməyib.
Qəzanın səbəbləri isə hələlik məlum deyil. Ehtimal olunur ki, su xətti bilərəkdən dağıdılıb. Hadisə ilə bağlı araşdırmalara başlanılıb.
Ziya Səccad
Ölkə.Az
