YAP Gəncə şəhər Təşkilatında Konstitusiya günü

Gəncə şəhər İcra Hakimiyyəti Yeni Azərbaycan Partiyası Gəncə şəhər

Ölkə.Az xəbər verir ki, təşkilatı ilə birgə 12 Noyabr-Konstitusiya Günü ilə bağlı geniş tədbir keçirib. Tədbirdə Partiya veteranları, ziyalılar, tələbə-gənclər iştirak ediblər. YAP Gəncə şəhər Təşkilatının İdeologiya şöbəsinin müdiri Hüseyn Budaqov tədbirə ulu öndər Heydər Əliyevin “Konstitusiya birinci növbədə dövlətlə, hakimiyyətlə xalqın arasında olan münasibətləri özündə əks etdirməlidir”- ifadəsi ilə başlayıb. Qeyd edib ki, əsas insan hüquqları və azadlıqları, vətəndaşların konstitusion vəzifələri, hakimiyyət bölgüsü, qanunvericilik, ali icra, məhkəmə hakimiyyətləri, yerli özünüidarəetmə - bələdiyyələrin hüquqi statusunun təsbit edilməsi və s. - bütün bunların hamısı xalqın iradəsinə söykənib, ümumxalq səsverməsi yolu ilə təsbit olunub. Xalq dövlət üçün yox, dövlət xalq üçün olmalıdır və bu prinsiplər Konstitusiyamızın əsasını təşkil edir.

Tədbirdə Konstitusiyasının tarixi mahiyyətindən, bu Konstitusiyanın müstəqil Azərbaycanın ilk, ümumilikdə isə, respublikanın dördüncü Konstitusiyası olmasından, ölkə başçısı cənab İlham Əliyevin müdrik daxili və xarici siyasəti sayəsində müstəqil dövlətimizin inkişafında əldə edilən tarixi nailiyyətlərdən söz açılıb. Yeni Azərbaycan Partiyasının veteranı Fərhad İsgəndərov cıxış edərək, Konstitusiyanın hər bir vətəndaşın cəmiyyətdə, idarəçilikdə mövqeyinin, hüquqlarının, mənafeyinin təminatçısı, onun azadlıqlarının real, həm də yeganə qarantı olduğunu vurğulayıb: “Bu gün ali və orta məktəblərdə gənclərə, tələbələrə Konstitusiya haqqında məlumat vermək, onları bilgiləndirmək məqsədilə “Azərbaycan Respublikasının Konstitusiyası ” adlı fənn tədris edilir.

Ümumiyyətlə, təhsil ocaqlarında Konstitusiyanın təbliğinə və gənclərimizin hüquqi maarifləndirilməsinə geniş yer verilməsi çox vacibdir. Gəncə Dövlət Universitetinin tələbəsi Fariz İmamverdiyev çıxışında bildirdi ki, Konstitusiya Qanununu bilmək, bu Qanunda nəzərdə tutulan müddəalara əməl etmək, hörmətlə yanaşmaq hər birimizin vətəndaşlıq borcumuzdur.

Tədbir iştirakçıların yüksək ictimai-siyasi fəallığı şəraitində keçib.

Ölkə.Az