ABŞ qərar verdi

"Ölkə.Az" xəbər verir ki, ABŞ-ın Suriya və İraq koalisiyasının mətbuat katibi polkovnik Dorrian bu barədə məlumat verib. Məlumata əsasən, ABŞ Suriyada peşmərgələrlə çalışmaq istəmir. Əməliyyatlar PKK/PYD ilə həyata keçirilir. Dorrian həm də qeyd edib ki, Türkiyə ilə müzakirələr davam edir.

Suriyanın şimalındakı Rakka şəhərindəki əməliyyatlarda peşmərgələrin də iştirak edib-etməyəcəyi barədə sualı cavablandıran Dorrian deyib: "Hələlik onları bu əməliyyatlara daxil etmək kimi bir planımız yoxdur. PKK/PYD və Suriya ərəb koalisiyası ilə əməkdaşlıq edirik. İŞİD-i məğlub etmək üçün başqaları ilə də işləməyə hazırıq. Əməliyyatlarda digərlərindən istifadəni minimuma endirməyə çalışırıq. Orada koalisiya qüvvələri var. Türkiyənin iştirakı ilə bağlı müzakirələr davam edir".

Rojava peşmərgələrinin koalisiya tərəfindən təlim keçmədiyini, bu səbəbdən də onlarla işləmək kimi bir planın olmadığı qeyd edilib.

Hikmət
Ölkə.Az