Yaralı tələbələrdən yeni xəbər var
Martın 9-da Bakı-Sumqayıt yolunda baş verən qəzada yaralanan tələbələrdən hazırda 5-i xəstəxanada müalicələrini davam etdirir.
"Ölkə.Az" xəbər verir ki, bunu AzVision.az-a Səhiyyə Nazirliyinin əməkdaşı Səfayə Əhmədova deyb. Nazirlik rəsmisi bildirib ki, hazırda Sumqayıt Şəhər Xəstəxanasında 2 tələbə müayinə olunur, onları vəziyyəti stabildir.
“Kliniki Tibbi Mərkəzdə 3 tələbə var. Onlardan ikisi Sumqayıt Şəhər Xəstəxanasından köçürülən və əməliyyat olunan tələbələdir. Həmin tələbələrin vəziyyəti stabil qiymətləndirilir”.
Qeyd edək ki, martın 9-da səhər saatlarında Bakı-Sumqayıt yolunda ağır yol-nəqliyyat hadisəsi baş verib. Yüksək sürətlə hərəkət edən “Ford-Tranzit” markalı sərnişin mikroavtobusu əvvəlcə yük maşını ilə toqquşub, sonra dəmir manelərə dəyib. Qəza zamanı mikroavtobusda 28 tələbə olub. Onlardan 6-ı dünyasını dəyişib.
Ölkə.Az
