Ən nüfüzlü ölkə hansıdır?

Almaniya ABŞ-ı geridə qoyub

Ölkə.Az xəbər verir ki, 20 fərqli ölkədən 20 min adamın iştirakı ilə keçirilən sorğu nəticəsində Almaniya dünyanın ən nüfuzlu ölkəsi adını qazanıb. Sorğu 23 fərqli kateqoriya üzrə keçirilib və bütün kateqoriyalarda Avropanın lokomotivi adlandırılan Almaniya ilk sırada qərarlaşıb. Keçən ilin lideri ABŞ bu dəfə ikinci yeri tutub. İngiltərə, Fransa, Kanada, Yaponiya, İtaliya, İsveçrə, Avstraliya və İsveç isə ilk onluğu tamamlayıb. Sözügedən sorğunun nəticəsində ən çox geriləyən ölkə isə Rusiya olub. Rusiya Federasiyası üç pillə geriləyərək 25-ci sırada yer almasına səbəb kimi Krımın işğalı və Ukrayna böhranı göstərilib.

Qeyd edək ki, 2009-cu ildən bəri hər il bu qəbildən olan sorğularda ABŞ birinci olurdu.

Rəşid Mustafazadə

Ölkə.Az