Piter Semnebi: “Dağlıq Qarabağ münaqişəsi mürəkkəb məsələdir”

Bunu “Ölkə.Az”-a eksklüziv açıqlamasında Avropa Birliyinin Cənubi Qafqaz ölkələri üzrə sabiq xüsusi nümayəndəsi, İsveçrənin Əfqanıstandakı səfiri Piter Semnebi bildirib. 

Səfir deyib ki, münaqişənin həlli üçün ilk növbədə Azərbaycan və Ermənistan tərəfi iradə nümayiş etdirməlidir:

“Dağlıq Qarabağ münaqişəsi mürəkkəb məsələdir. Burada ilk növbədə tərəflər qarşılıqlı etimad nümayiş etdirməlidir. Mən vaxtilə bu məsələ ilə bağlı çalışmışam. Bilirəm ki, bu münaqişənin sülh yolu həlli vacibdir”.

P.Semnebi həmçinin qeyd edib ki, V Qlobal Bakı Forumu çox mühüm görüş formatıdır:

“Siyasi problemləri aradan qaldırmaq təcrübəsi olan şəxslərin bir yerə toplaşaraq bügünkü dünyanın problemləri barədə düşünməsi çox vacibdir. Bakıya ilk səfərim 1998-ci ildə olub. Mən görürəm şəhər necə inkişaf edib və bu inkişaf necə sürətlə gedir. Xüsusən, son 10 ildə sürətlə inkişaf olmuşdur”.

Ramal Hüseynli
Ölkə.Az