Peruda güclü daşqınlar zamanı azı 50 nəfər ölüb
Peruda daşqınlar nəticəsində ölənlərin sayı 50 nəfəri keçib.
“Ölkə.Az” xəbər verir ki, daşqınlar ölkənin 25 regionundan 20-sinə zərər vurub. Daşqınlar nəticəsində 70 nəfər xəsarət alıb, 100 nəfər isə itkin düşüb.
Daşqınlar minimum 56 min perulunun əmlakına zərbə vurub. Təbii hadisədən ümumilikdə 546 min nəfər zərər çəkib. Ölkə hakimiyyəti paytaxt Limanın məktəblərində dərslərin dayandırıldığını bildirib.
Qeyd edək ki, son illər Peruda daşqınların ardı-arası kəsilmir. Hər dəfə baş verən hadisə zamanı çoxlu sayda insan tələf olur.Ötən ay Peruda güclü daşqınlar zamanı azı 23 nəfər ölüb. Təbii fəlakət 15 min tikiliyə ziyan vurub. Daşqınlar nəticəsində körpü və yollar da sıradan çıxıb. Ölkənin bir neçə bölgəsində fövqəladə vəziyyət rejimi elan olunub.
Ziya Səccad
Ölkə.Az
