Afrikada bir rahib 706 karatlıq almaz tapdı
Dünyanın ən böyük 20 almazından biri Afrikada tapılıb.
"Ölkə.Az" xəbər verir ki, almazın 706 karat çəkisi var. Hadisə Qərbi Afrika ölkəsi Syerra Leonedə baş verib.
Ölkə sakini xristian rahibi Emmanuel Momoh vaxtının bir hissəsini mədəndə işləyir. Momoh iş əsnasında böyük bir almaz tapır. Almazın çəkisi 706 karatdır və bu günə qədər tapılan ən böyük almazlardan biri sayılır.
Syerra Leone prezidenti Ernest Bay Koroma ölkənin inkişafı naminə tapılan almazın hərracda satılacağını bildirib. Almazı tapan rahib isə mükafatını alacaq.
Qeyd edək ki, dünyanın ən böyük almazı Braziliyada 1893-cü ildə tapılıb. "Sergio" adı verilən almaz 3.167 karat olub.
Hikmət
Ölkə.Az
