Gürcüstanın "iqtisadi islahatlar atası" vəfat etdi

Məşhur gürcü oliqarxı Londonda öldü

Ölkə.az Gürcüstan mətbuatına istinadən xəbər verir ki, məşhur gürcü milyarder, Gürcüstanın keçmiş iqtisadiyyat naziri Kaxa Bendukidze 58 yaşında Londonda dünyasını dəyişib.

Kaxa Bendukidze biznes fəaliyyətinə Rusiyadan başlayıb. Başda "Uralmaş" olmaqla bir çox ağır maşınqayırma zavodu Kaxa Bendudikidzenin yaratdığı "Birləşmiş maşınqayırma zavodları" korporasiyasına daxil olub.

2004-cü ildə Mixail Saakaşvilinin dəvəti ilə Gürcüstana gələn Bendukidze burada iqtisadiyyat naziri postunu tutub. Onu Gürcüstan iqtisadi islahatlarının memarıı hesab edirlər. 2007-ci ilə qədər Gürcüstanda nazir olan Bendukidzenin sayəsində bu ölkə Dünya bankının siyahısında biznes fəaliyyəti üçün ən münbit şəraitə malik dövlətlər arasında 137-ci yerdən 11-ci yerə yüksəldi. 2008-ci ildə Gürcüstan prezidentinin dəftərxanasının rəhbəri vəzifəsinə təyin edilən Bendukidze həmin il istefa verərək ölkəni tərk etmişdi.

2008-ci ildə yaratdığı Bilik fondu vasitəsi ilə rlm və maariflənməyə dəstək verən oliqarx Londonda yaşayırdı. Ukraynada Poroşenkonun hakimiyyətə gəlməsindən sonra isə Kaxa Bendukidze Ukraynaya dəvət olundu. O, Ukrayna nazirlər kabineti yanında "İqtisadi müzakirələr şurası"na rəhbərlik edirdi.

Ölkə.az