Trampın yeni İŞİD planı ortaya çıxdı
Ölkə.Az xəbər verir ki, bu barədə informasiyanı NBC televiziyası özünün etibarlı mənbələrinə istinadən yayıb.
Televiziya yeni plana əsasən, bundan sonra da İŞİD-in bombardman olunacağının davam edəcəyini, Mosul və Rakkanın geri qaytarılması üçün yerli qüvvələrə dəstəyin gücləndiriləcəyini bildirib. Planda həmçinin İŞİD-i maliyyə gəlirlərindən məhrum etməklə regiondakı stabilliyi bərpa etmək istəyi də əks olunub. Televiziya Trampın bu plan sayəsində İŞİD-i tam ortadan qaldıra bilməyəcəyini iddia edib.
Qeyd edək ki, ABŞ-ın 45-ci prezidenti Donald Tramp inaqurasiya mərasimi zamanı çıxışında bildirib ki, Amerika tezliklə çox güclü ölkəyə çevriləcək. Onun sözlərinə görə, ABŞ-ın yeni siyasəti nəticəsində İŞİD tam məhv olacaq.
“Biz çalışacağıq ki, digər ölkələrlə dostluğu qoruyaq. Lakin çalışacağıq ki, bu dostluq Amerika üçün xeyirli olsun. Biz yeni sülh ölkəsi yaradacağıq. İŞİD-lə birgə mübarizə aparacağıq. İŞİD-i məhv edəcəyik”, - deyə Tramp bildiirb.
Bundan başqa, Tramp İŞİD-ə qarşı müharibə elan etməyi və yerüstü əməliyyatlara başlamaq üçün Yaxın Şərqə qoşun göndərməyi təklif edib.
"İŞİD-i yer üzərindən silməliyik. Güclü kəşfiyyatımız olacaq. İndi bizim orada adamımız yoxdur, kəşfiyyat yaxşı işləmir. Bizimlə müttəfiq olan bir çox ölkələr hərbi əməkdaşlıq çərçivəsində etməli olduqları öhdəlikləri yerinə yetirmirlər",- deyə Tramp bildirib.
O, ABŞ prezidentliyinə namizəd Hillari Klintonu İŞİD-in fəaliyyətinin genişlənməsində ittiham edib. Milyarderin sözlərinə görə, İŞİD terror təşkilatı bir zamanlar ABŞ-ın Dövlət Katibi postunu tutan Hillari Klintonun yürütdüyü sarsaq siyasət nəticəsində yaranıb.
Ziya Səccad
Ölkə.Az
