ABŞ-ın desant gəmisi Qara dənizə daxil oldu
"Ölkə.Az" xəbər verir ki, Amerikanın “Carter Hall” adlı desant gəmisi Qara dəniz akvatoriyasına girib.
ABŞ Hərbi-Dəniz Qüvvələrinin 6-cı donanmasının yaydığı məlumata görə, hərbçilər keçiriləcək təlimlərdə iştirak etmək üçün əraziyə gəliblər. Hərbi gəmi ABŞ-Rumıniya ikitərəfli “Spring Storm 17” hərbi təlimlərdə iştirak edəcək.
Verilən məlumata görə, “Carter Hall” gəmisinin iştirakı ilə təlimlərin əsas mərhələsi Rumıniyanın Konstantsa şəhəri yaxınlığında keçiriləcək. Rumıniyanın “Sociedad Rumana de Radiodifusion” radiosunun məlumatına görə, təlimlərdə 1200 rumın və ABŞ hərbçisi iştirak edəcək.
Qeyd edək ki, “Carter Hall” adlı desant gəmisi 1995-ci ildə yaradılıb. Gəmi 500d-ən çox hərbçini daşıya və dənizdə istənilən menevrlər edə bilir.
Ziya Səccad
Ölkə.Az
