İşsizlər ən çox bu ölkələrdədir

Ən az işsizlər Cənubi Koreyadadır.

Ölkə.Az rusiya mətbuatına istinadən xəbər verir ki, İqtisadi Əməkdaşlıq və İnkişaf Təşkilatı dünyada işsizlik səviyyəsinin yüksək olduğu ölkələrin adları açıqlayıb. İqtisadi Əməkdaşlıq və İnkişaf Təşkilatının sentyabr üzrə hesabatına görə, işsizlik səviyyəsi 0.1 % enərək 7.3 %-dən 7.2 %-ə düşüb. İş tapmaq problemi ilə üzləşənlərin çox olduğu ölkələrin bir çoxu Avropa Birliyinə daxil olan dövlətlərdir. Sözügedən ölkələrdə işsizlərin sayı 44.2 milyon nəfər təşkil edir.

İspaniyada işsizlik səviyyəsi 0.2 % düşsə də, bu ölkə siyahıda birincidir. Hesabatda İspaniya sakinlərinin 24 %-nin işsiz olduğu qeyd olunur.

Bununla yanaşı, işsizliyin ən aşağı səviyyədə olduğu ölkələr sırasında 3.5 %-la Cənubi Koreya ilk sırada qərarlaşıb. Onun ardından 3.6 %-lə Yaponiya, Meksika və İslandiya isə 4.8 %-la 3-cü sırada yer tuturlar. İnkişaf etmiş ölkələrdən biri sayılan ABŞ-da işsizlik səviyyəsi 0.1 % geriləyərək 5.8 % düşüb.

Rəşid Mustafazadə

Ölkə.Az