Trampın miqrasiya qanununu yenə ləğv etdilər
Havay ştatının federal məhkəməsi prezident Donald Trampın miqrasiya qanununa müddətsiz qadağa qoyub.
"Ölkə.Az" xəbər verir ki, məhkəmənin hakimi Derrik Uotson iki həftə əvvəl də qanunun tətbiqini dondurmaq barədə qərar qəbul etmişdi. Bundan sonra iddiaçılar hakimdən qadağanı uzatmağı xahiş etmişdilər.
Bu gündən isə məhkəmənin hökmünə əsasən qanunun tətbiq edilməsi müddətsiz olaraq ləğv edilib. Qanun ancaq məhkəmə öz hökmünü ləğv edəcəyi halda qüvvəyə minə bilər.
Ştatın baş prokuroru Duqlas Çin mövqeyini BMT-nin bəyanatı ilə əsaslandırıb. BMT ABŞ prezidentinin miqrasiya qanunu anti-İslam və dini ayrı-seçkilik xarakterdə olduğunu bildirmişdi.
Hikmət
Ölkə.Az
