Peterburq metrosundakı partlayışa görə cinayət işi qaldırıldı
"Ölkə.Az" xəbər verir ki, bu barədə Rusiya İstintaq İdarəsinin rəsmi nümayəndəsi Svetlana Petrenko məlumat verib.
Petrenko deyib: "Rusiya İstintaq İdarəsinin sədri Aleksandr Bastrıkinin göstərişi ilə Sankt-Peterburq metrosunda baş verən partlayış faktının obyektiv istintaqı üçün cinayət işi qaldırılıb. İstintaq İdarəsinin mərkəzi aparatının təcrübəli kriminalist və müstəntiqləri Peterburqa yola salınıb".
Qeyd edək ki, Sankt-Peterburq metrosunda baş verən partlayış nəticəsində 10 nəfər həlak olub. 7 metro stansiyası bağlanıb.
***
Rusiya milli anti-terror komitəsi Sankt-Peterburq metrosunda baş verən partlayışa aid məlumat bölüşüb.
"Ölkə.Az" xəbər verir ki, partlayış iki stansiya arasında baş verib.
Milli anti-terror komitəsinin məlumatında deyilir: "Bu gün saat 14:40 (Rusiya vaxtı ilə) radələrində "Texnoloji institut" və "Ot sahəsi" stansiyaları arasında hərəkət edən qatarda qeyri-müəyyən partlayıcı qurğunun işə düşməsi nəticəsində partlayış baş verib. Hadisə nəticəsində ölən və yaralananlar var".
Qeyd edək ki, Sankt-Peterburq metrosunda baş verən partlayış nəticəsində 10 nəfər həlak olub, 50-dən çox insan yaralanıb.
Hikmət
Ölkə.Az
