Kərkük kürdləri bölgəni İraq Kürd Muxtariyyətinə qatmaq istəyirlər

"Ölkə.Az" xəbər verir ki,  millət vəkili bunun böyük problemlər yarada biləcəyini bildirib.

“Bizim əlimizə keçən bir məktubda, Kərkün vilayət məclisində olan kürdlərin sabah Kərkük vilayətində referodum keçirməklə bağlı qərarı qəbul edəcəkləri barədə məlumat yer alıb. Ən təhlükəli məqam odur ki, referendumda Kərkük vilayətinin İraq Kürdüstanına birləşdirilməsi təklif ediləcək. Bu böyük problemlərə yol açacaq və biz qəti olaraq buna qarşıyıq”-deyə Məhəmməd Cəfər əlavə edib.

Türkmən millət vəkili deyib ki, Kərkün vilayətinin müştərək olaraq idarə edilməsinin tərəfdarıdırlar:

“Bir etnik qrup tərəfindən idarə olunması halında vilayət 3 yerə-ərəb, kürd və türkmən bölgələrinə bölünəcək. Bu isə Kərkükdə təhlükəsizlik və əmin-amanlığa qarşı ciddi təhdiddir. İraq höküməti, İraq parlamentinin spikeri, BMT, Türkiyə, Səudiyyə Ərəbistanı və İran kimi məsələ ilə əlaqəli tərəflərdən bu problemin həll olunması üçün əllərindən gələni etmələrini istəyirik”.

Qeyd edək ki, bu yaxınlarda Kərkük vilayət məclisi İraq Kürd Muxtariyyətinin bayrağının bu bölgədə İraq bayrağı ilə bir yerdə dalğalanması ilə bağlı qərar qəbul etmişdi. Məclisin 40 üzvü arasında 26 üzv bu qərara hə demişdi. Lakin, bu səsverməə ərəb və türkmən qruplarını təmsil edən millət vəkilləri iştirak etməmişdi.

Digər tərəfdən İraq prezidentinin müşaviri Üsamə Ənnicəfi məsələyə reaksiyasında bildirmişdi ki, bu milli birliyin pozulması və bir qrupun öz iradəsini zorla qəbul etdirməyə çalışmasıdır. Onlar bu qərarı ləğv etməlidirlər.

Kərkün vilayəti valisi Nəcməddin Kərim isə iki həftə öncə verdiyi qərarla dövlət və şirkət idarələri üzərində İraq Kürd Muxtariyyətinin bayrağının bu bölgədə İraq bayrağı ilə bir yerdə sancılması göstərişini vermişdi.

Ziya Səccad
Ölkə.Az