“Təzə Bazar”da yanğın söndürüldü

Ölkə.Az xəbər verir ki, Bakıda "Təzə bazar"da baş verən yanğın söndürülüb.

***

Fövqəladə Hallar Nazirliyi (FHN) “Təzə Bazar”-da baş vermiş yanğınla bağlı məlumat yayıb
 
Ölkə.Az xəbər verir ki, nazirliyin Böhran Vəziyyətlərində İdarəetmə Mərkəzinə Bakı şəhəri, Nəsimi rayonunda “Təzə Bazar” adlanan ərazidə yanğın baş verməsi haqqında məlumat daxil olub.
 
Dərhal Dövlət Yanğından Mühafizə Xidmətinin qüvvələri hadisə yerinə cəlb olunub. Hazırda yanğın məhdudlaşdırılıb. Yanğının söndürülməsi istiqamətində işlər davam etdirilir.

***

Bakıda məşhur bazarlardan birində güclü yanğın baş verib.

"Ölkə.Az" xəbər verir ki, Bakının Nəsimi rayonu, Səməd Vurğun küçəsində yerləşən “Təzə Bazar”da yanğın baş verib.

Fövqəladə Hallar nazirliyinin Yanğından Mühafizə Xidmətindən Ölkə.Az-a verilən məlumata görə, bu barədə onlara məlumat daxil olub. Məlumat daxil olan kimi hadisə yerinə yanğınsöndürənlər cəlb olunub. Bildirilib ki, birinci çağırışla hadisə yerinə 3 maşın və canlı qüvvə cəlb olunub.

Bakı şəhər Təcili və Təxirəsalınmaz Tibbi Yardım Stansıyasından Ölkə.Az-a bildirdilər ki, hadisə yerinə həkim briqadası da gedib. Hələlik xəsarət alanlar barədə heç bir məlumat yoxdur.

Ziya Səccad
Ölkə.Az