Rusiyanın sərt addımı

ABŞ-ın Suriyaya raket zərbəsi endirməsindən sonra Rusiya sərt addımlar atıb.

"Ölkə.Az" xəbər verir ki, Rusiya hava təhlükəsizliyi müqaviləsini təxirə salıb. Müqavilə Rusiya və ABŞ arasında imzalanmışdı və Suriyada istənilməyən hadisələrin qarşısını almaq, hava əməliyyatlarında təhlükəsizliyin əldə edilməsi məqsədi ilə imzalanmışdı.

Bu barədə Rusiyanın xarici işlər nazirliyi açıqlama verib. Açıqlamada deyilir: "ABŞ beynəxalq terrora qarşı mübariz aparan bir ölkəyə diş göstərdi".

Rusiya və ABŞ iki ölkənin təyyarələrinin Suriya hava sahəsində üz-üzə gəlməsinin qarşısını almaq üçün bir müqavilə imzalamışdılar. Putin isə ABŞ-ın Suriya hərbi bazasına raket zərbəsi endirməsini ABŞ-Rusiya münasibətlərinə zərər kimi qiymətləndirib.

Kremlin verdiyi açıqlamada deyilir: "Beynəlxalq hüquq normaları pozulub. Putinin fikrinə görə suveren bir dövlətə qarşı hücum edilib. Raketlər ABŞ-Rusiya münasibətlərinə ziyan vurub. Süni səbəblərlə həyata keçirilən bir hücumdur".

Digər tərəfdən Rusiya Federasiyası Şurası Təhlükəsizlik və Müdafiə Komitəsinin sədri Viktor Ozerov bildirib ki, Rusiya Suriyaya görə ABŞ-la əməkdaşlığı dayandıra bilər: "ABŞ-ın bu hücumu ABŞ və Rusiya hərbçiləri arasındakı əməkdaşlığa ciddi maneə ola bilər. Çünki hücumdan əvvəl rus hökuməti məlumatlandırılmayıb. Hərbi bazaya endirilən raket zərbələri rus-amerikan münasibətlərinə ziyan vurdu".

Rusiya dövlət Dumasının Müdafiə Komitəsi sədrinin müavini Yuri Şvitkin isə bildirib ki, ABŞ-ın raket zərbəsi rəsmi Vaşinqtonun ikili standart siyasətini sübut edir.

Hikmət
Ölkə.Az