Stokholm hücumunda həbs edilən şübhəli Özbəkistan vətəndaşıdır
Dünən İsveçin paytaxtı Stokholm şəhərində terror aktı törədilib.
"Ölkə.Az" xəbər verir ki, yük avtomobilini piyadaların üstünə sürən şübhəli şəxsin Özbəkistan vətəndaşı olduğu açıqlanıb. Hücum nəticəsində 4 nəfər həlak olub.
Stokholm polisi 2 nəfəri saxlayıb. Polisdən bu barədə məlumat verilib: "Bu iki nəfərin hadisə ilə bağlı bəzi məlumatlarını dəyərləndiririk. Hadisə yerindən əldə edilən məlumatlar bu istiqamətdədir. Bu səbəbdən bu iki nəfər polis mərkəzinə aparılıb".
Şübhəli olaraq saxlanılan 39 yaşlı bir nəfər isə həbs edilib. Onun kimlərlə əlaqədə olduğu araşdırılır.
Şübhəli şəxs Arlanda hava limanı yaxınlığında saxlanılıb. Bildirilir ki, saxlanılan şəxs yük maşınını idarə edən insan imiş. Şübhəli şəxs Özbəkistan vətəndaşıdır.
Hikmət
Ölkə.Az
