İsveç hökuməti terror aktı törədilən məkanı ziyarət etdi

"Ölkə.Az" xəbər verir ki, həftənin birinci günü saat 12:00 radələrində 1 dəqiqəlik sükutla həlak olanların xatirəsi yad ediləcək.

Hökumət başçısı Stefan Lyöven deyib: "Bilirik ki, bu tip hücumların məqsədi cəmiyyətdə qorxu və nifrət yaratmaqdır. Ötən gün İsveç özünün ən yaxşı cəhətini nümayiş etdirdi. Bir-birinə kömək etmək, bir-birini dəstəkləmək, evini başqaları üçün açmaq. Bundan gözəl nə ola bilər? Bunu bizdən heç kəs ala bilməz".

İsveçin şahzadəsi Viktoriya və əri şahzadə Daniel də hadisə yerinə gəliblər. Bundan başqa İsveçin xarici işlər naziri Marqot Vallstryöm də məkanı ziyarət edib. Marqot deyib: "Terrorla mübarizə məsələsində qətiyyətli olmalıyıq".

Hikmət
Ölkə.Az