Tramp Suriyaya zərbə endirən hərbçiləri təbrik etdi

"Ölkə.Az" xəbər verir ki, bu barədə Amerika rəhbəri “Twitter” hesabında yazıb. Tramp ABŞ-ın Suriyaya sonuncu hücumundən razı qaldığını qeyd edib. O, Amerikalı hərbçilərə minnətdarlıq edib.

“Bizim cəsur kişi və qadın hərbçilərimizi təbrik edirəm. Onlar Suriyada cəsurluq nümayiş etdirdilər. Hərbçilərimiz Suriyada ABŞ-ı və dünyanı çox yaxşı təbliğ etdilər”, - deyə Tramp yazıb.

Qeyd edək ki, aprelin 7-ə gecə ABŞ-ın Aralıq dənizindəki hərbi gəmilərindən Əsəd ordusuna aid Şayrat aviabazasına 59 raket buraxılıb. Nəticədə aviabazanın uçuş-enmə zolağı, təyyarələrin dayanacağı və yanacaqdoldurma kompleksləri vurulub. Homs qubernatoru zərbə nəticəsində 5 hərbçi və 2 mülki şəxsin öldüyünü bildirib. Tramp Bəşər Əsəd rejimini aprelin 4-də İdlib əyalətində kimyəvi silahdan istifadə etməkdə ittiham edib. Tramp, raket zərbəsinin kimyəvi silahdan istifadənin təkrarlanmasının qarşısını almaq məqsədilə endirildiyini deyib.

Xatırladaq ki, aprelin 4-də Bəşər Əsəd rejiminə aid hərbi təyyarələrin İdlib şəhərinə zərbələr endirməsindən sonra kimyəvi zəhərlənmə nəticəsində çoxlu sayda insan ölüb və yaralanıb.

Ziya Səccad
Ölkə.Az