Stokholm terrorunda İŞİD-in izi var

"Ölkə.Az" xəbər verir ki, yük avtomobilini piyadaların üstünə sürən şübhəli şəxsin Özbəkistan vətəndaşı olduğu açıqlanıb. Hücum nəticəsində 4 nəfər həlak olub.

Azərbaycanlı siyasətçilər hesab edirlər ki, son günlər dünyanın müxtəlif ölkələrində baş verən terror aktlarında iştirak edənlərin Orta Asiyalı olması heç də təsadüfü hal deyil. Politoloq Arzu Nağıyev Ölkə.Az-a açıqlamasında bildirib ki, son vaxtlar baş verən hadisələrə diqqət yetirdikdə hiss olunur ki, terrorçuları qəsdən Orta Asiyadan olan insanlardan seçirlər. Onun sözlərinə görə, burada İŞİD terror təşkilatının xüsusi dəsti-xətti var.

“İŞİD-in dəsti-xətti deyəndə, demək istəyirəm ki, yəni terrorçular nəzarət etmədiyi ərazilərdə terror törətməyi özlərinin tərəfdarlarına həvalə edirlər. Bu gün Avropada ərəb miqrantlarına o qədər diqqət, nəzarət çoxdur ki, terror əməliyyatını məhz onların üzərində qururlar. Zəif bənd kimi bu terrorçular qalıb. Rusiyada da, Türkiyədə də Qırğızıstan vətəndaşı teror törətdi”, - deyə Arzu Nağıyev bildirib.

Ziya Səccad
Ölkə.Az