İran prezidentinin cavabı
İran prezidenti Həsən Ruhani Suriyada islahatların keçirilməsinin lazım olduğunu bildirib.
"Ölkə.Az" xəbər verir ki, Ruhani Tehranın prezident sarayında keçirilən mətbuat konfransında bu fikri səsləndirib: "Suriyada kimyəvi silahdan istifadə və İranın Əsədi dəstəkləməsi dünyadakı həssaslığı artırıb. Qərb terrorçulara dəstəyini dayandırmalıdır. Əlbəttə, Suriya dövlətində də islahatlar həyata keçirilməlidir".
Ruhani Əsəd rejiminin kimyəvi hücumundan sonra ABŞ-ın Suriyadakı hərbi bazaya raket endirməsini belə şərh edib: "ABŞ-ın Suriyaya hücumu səhv idi. Bu ilk dəfə idi ki, həyata keçirilirdi.Təkrar hücumlar çox təhlükəli nəticələrə səbəb ola bilər".
Hikmət
Ölkə.Az
