Əli Kərimlinin ünvanına çox sərt ittihamlar
BAXCP sədrinin müavini Niyaməddin Orduxanlı təhdid olunduğunu deyir.
N.Orduxanlı "Ölkə.Az" saytına bildirib ki, onu təhdid edənlər Əli Kərimlinin adamlarıdır:
"Ölkənin aparıcı saytlarından biri olan "Ölkə.Az" saytına Milli Şuranın aprelin 8 –də keçirilən mitinqilə bağlı öz münasibətimi bildirmişdim. Əli Kərimlinin keçirdiyi mitinqdə iştirak edən şəxslərin böyük əksəriyyətinin İran molla rejiminin təsirində olan şəxlərin olduğunu və Milli Şuranın keçirdiyi mitinqin təşəbbüskarı və təşkilatçısı İranpərəst qüvvələrin olduğunu qeyd etmişdim.
Həmçinin də jurnalist Xədicə İsmayıl radikal dindarların mitinqə qatılacağı təqdirdə stadiona gəlməyəcəyini və buna görə Əli Kərimliyə şərt qoyduğunu qeyd etmişdim. Sayta veridyim bu açıqlama çox geniş şəkildə sosial şəbəkələrdə və mətbuatda yayıldı. Bundan dərhal sonra şəxsi ünvanıma hədə dolu mesajlar, aşağlayıcı rəylər aldım. Bir çoxları bunu saxta profillərlə etidyi halda, Əli Kərimlinin partiyasının üzvüləri, Yasamal şöbəsinin sədri olan Maarif Ayazoğlunun açıq təhdidi ilə rastlaşdım. Məni isə daha çox məyus edən bu oldu ki, bu məzlum və bədbəxtlər hələ utanmadan özlərini "demokrat" adlandırırlar. Ölkənin siyasi rəhbərliyinə iddia edirlər.
Mən uzun illərdi ki, gənc yaşlarımdan siyasi fəaliyyətlə məşğulam. Artıq 25 il olacaq ki, aktiv siyasi proseslərin içindəyəm. Bu adamların məni hədələməsi sadəcə gülüş doğurur. Yazılan təhqirlərə isə, cavabım odur ki, bütün yazdıqlarınıza öz sədriniz və sizə tərbiyə verənlər layiqdir. Bütün bunlar onu deməyə əsas verir ki, Əli Kərimlinin ətrtafında qalan 5-10 nəfərin əksəriyyəti küçə adamlarıdır. Adi bir həqiqəti deyəni hədə-qorxu ilə susdurmaq istəyirlər. Siz təsəvvür edin, bu adamların əllərində hakmiyyət olsa idi nələr edərdilər?!
Əli Kərimlinin özü dünən etiraf edib ki, mitinqə az adam iştirak edib. Bilirsiniz bunların mitinqinə niyə dəstək vermirlər? 25 idlir ki, Əli Kərimli siyasətdədir və bu illər ərzində bu adam dəfələrə öz siyasi prinsiplərindən dönüb, dostlarına, silahdaşlarına, tələbə yoldaşlarına, öz sədri Əbülfəz Elçibəyə xəyanət edib. Özünə hörmət edən siyasi partiyalar Əli Kərimlinin səmimiyyətinə inanmıralar. İndiyə qədər onun xəyanəti barəsində sadəcə Niyaməddin Orduxanlı həqiqətləti deməyib. Onlara siyasətçi adı çəkə bilərəm ki, Əli Kərimlinin xəyanəti barədə mətbuata açıqlama verib. Ölkənin yeganə xanım partiya sədri olan Lalə Şövkət Hacıyevanın Əli Kərimlinin ünvanında dedikləri çox adamın yadındadır. Sadəcə, Əli Kərimli mahiyyətçə bolşevikdir. Kim onunla deyilsə, düşməndir, kim onu tənqid edirsə, təhdid olunmalıdır düşüncəsinə hakimdir. Əli Kərimlinin ətrafında da bu cür tərbiyəsiz adamların olması təbiidir. İran molla rejiminin tərəfdarlarının mitinqdə iştirak etməsinə gəldikdə isə, bunu mitinqdə çəkilən şəkillərə baxdıqda acıq şəkildə görmək olur. İranpərəstlər elə bir qüvvədir ki, onlara İrandan mitinqdə iştirak icazəsi və razılığı olmasa idi, Əli Kərimlinin aksiyasında iştirak etməzlər. Sonda bir məqamı da qeyd etmək istəyirəm. Qatı ateist olan Xədicə İsmayılova da qatı dindarlarla 8 aprel mitinqində iştirak edir. Mitinqin plakatlarının birində isə hakmiyyətdən "Metroda öpüşməyə imkan verin" şüarı tutulub. Kim bu anormallığın cavabını verə bilər? Hicablı xanımlar atest Xədicə İsmayılla bir arada və başlarının üstündə də dediyim şüar... Məncə, bunu bizim ölkədə ancaq Əli Kərimli edə bilərdi".
Ölkə.Az
