Tillersonun Moskva səfəri ilə bağlı Kremldən kritik açıqlama
ABŞ-ın xarici işlər naziri Reks Tillerson Moskvaya səfər edəcək.
"Ölkə.Az" xəbər verir ki, Kreml bu səfərə dair açıqlama verib. Açıqlamaya əsasən, Tillerson Moskva səfəri çərçivəsində Rusiya prezidenti Vladimir Putinlə görüşməyəcək.
ABŞ-ın Suriyaya hərbi müdaxiləsindən sonra qarşılıqlı sərt açıqlamaların verildiyi bir vaxtda yeni bir açıqlama Kremldən gəlib.
Kreml verdiyi açıqlamada bildirib ki, Cenevrə və Astanada keçirilən sülh görüşlərinin alternativi yoxdur və "Əsəd hakimiyyətdən getməlidir" tipli bəyanatlar sülh danışıqlarına heç bir töhfə verməyəcək.
Peskov həm də bildirib ki, Tillerson Moskva səfəri çərçivəsində Putinlə görüşməyəcək. ABŞ rəsmisi sadəcə həmkarı Lavrov ilə görüşəcək.
Hikmət
Ölkə.Az
