Tarixi kəşf: \"Danimarkada tunc dövrünə aid qız miqrant olub\"

"Ölkə.Az" xəbər verir ki, alimlər qızın qalıqları üzərində tədqiqat aparıb yeni nəticə əldə ediblər. Nəticəyə əsasən, qız Çexiya, Fransa və ya Almaniyadan köçən miqrant olub.

Meyitin qalıqlarının analizi göstərib ki, qız Danimarkadan bir neçə yüz kilometr aralıda dünyaya gəlib. 13-14 yaşlarında isə Danimarkaya köçüb. Qız eramızdan əvvəl 1300-cü ildə, 17 yaşında dünyasını dəyişib. Çox güman ki, o, zadəgan nəslindən olub. Çünki dişlərinə görə onun yaxşı qidalandığı məlum olub. Bu isə onun yüksək statusa malik olduğundan xəbər verir. Qızın belə uzaq məsafəyə köç etməsi ya nikah ya da qəbilələr arasında ittifaqla mümkün ola bilərdi.

2015-ci ilə də Almaniyanın cənubunda doğulub Danimarkaya köç edən başqa bir gənc qızın mumyası tapılmışdı. Alimlər qeyd edir ki, tunc dövrü qloballaşma mərhələsi idi. İnsanlar yüzlərlə kilometr uzağa səfər edir, ailə qurur və ticarət edirdilər.

Hikmət
Ölkə.Az