Türkiyədə İŞİD və FETÖ əməliyyatı

Ölkə.Az xəbər verir ki, Türkiyənin hüquq-mühafizə orqanlarının əməkdaşları çərşənbə axşamı İŞİD-in üzvü olduqları ehtimal edilən 19 nəfəri saxlayıb. Onlar ölkə konstitusiyasına düzəlişlər üzrə referendumu pozmağa cəhddə şübhəli bilinirlər.

Bildirilir ki, 9 Türkiyə vətəndaşı və 10 suriyalı ölkənin İzmir əyalətində aparılan reydlər zamanı saxlanılıb. Polis əməkdaşları axtarışlar zamanı, həmçinin İŞİD-lə əlaqəli sənədlər, rəqəmsal materiallar və zirehli gödəkcələr aşkar edərək götürüblər. Saxlanılan şəxslərin hamısı İŞİD terror qruplaşmasının Suriyadakı üzvləri ilə əlaqədə olublar.

Bundan başqa, digər əməliyyat Türkiyənin Muğla vilayətinin Milas rayonunda keçirilib. Əməliyyat zamanı FETÖ terror təşkilatının 10 üzvü saxlanılıb. Onlardan biri 9 aydır axtarışda olub. Ötən ilin avqust ayından bəri axtarışda olan İ.D. polis tərəfindən həbs edilib.

Ziya Səccad
Ölkə.Az