Çin lideri Trampla beynəlxalq vəziyyəti müzakirə etdi
Çin Xalq Respublikasının lideri ABŞ prezidenti ilə telefon əlaqəsi saxlayıb.
"Ölkə.Az" xəbər verir ki, liderlər telefon vasitəsilə beynəlxalq məsələləri müzakirə ediblər.
Çin lideri Si Çzinpin qeyd edib ki, Suriya problemi siyasi yolla həll edilməlidir və bu işdə BMT-nin Təhlükəsizlik Şurasının rolu böyükdür. Bununla belə, kimyəvi silahdan istifadə etmək Çin üçün qəbuledilməzdir.
Koreya yarımadasındakı vəziyyətə toxunan Si bəyan edib ki, Çin Koreya yarımadasının nüvəsizləşdirilməsi siyasətinə, sülh və stabilliyin qorunmasına tərəfdardır. Tramp isə öz növbəsində bu məsələyə görə Pekinlə koordinasiyalı hərəkət etməyə söz verib.
Hikmət
Ölkə.Az
