İntiqam Əliyev üçün Prezidentə müraciət olundu

Bir qrup media nümayəndəsi, hüquq müdafiəçisi və ictimai fəal hazırda həbsdə olan İntiqam Əliyevlə bağlı Azərbaycan Prezidenti İlham Əliyevə müraciət ünvanlayıb.

Ölkə.Az müsavat.com-a istinadən həmin müraciəti olduğu kimi diqqətinizə çatdırır:

"Cənab Prezident!

Biz, aşağıda imza atan jurnalistlər, vəkillər, ziyalılar və ictimai xadimlər sizə hal-hazırda Bakı İstintaq təcridxanasında saxlanılan Hüquq Maarifçiliyi Cəmiyyətinin sədri İntiqam Əliyevlə bağlı müraciət edirik.

İntiqam Əliyev Azərbaycanda azsaylı şəxsiyyətlərdəndir ki, hansı düşüncənin, hansı mövqeyin sahibi olmasından asılı olmayaraq, fərqli təbəqələrdən olan ən müxtəlif siyasi baxışlı şəxslər üçün ədalət prinsiplərinin, müəllimliyin, təmizliyin simvoluna çevrilməyi bacarıb. İntiqam Əliyev hal-hazırda fəaliyyət göstərən onlarla vəkilin müəllimdir. O, ölkəmizin işıqlı gələcəyi, gənclərin maariflənməsi üçün daim təmənnasız xidmət göstərib.

Təəssüf ki, bu gün İntiqam Əliyevin səhhətində ciddi problemlər yaranıb. Saxlanıldığı Bakı İstintaq Təcridxanasında vəziyyəti ağırlaşdığı üçün onu Onkoloji Mərkəzə apararaq müayinə ediblər. Son məhkəməsində İntiqam Əliyev huşunu itirib və məhkəmədən xüsusi avtomobildə aparılıb. Övladları ilə görüşündə sona qədər iştirak edə bilməyib. 15 gündür yuxusuz olduğu, ayaqlarında qıcolmanın, tutulmaların baş verdiyi, dərmanların lazımi effekt vermədiyi bildirilir. Onun tez bir zamanda normal şəraitdə müalicəsinin davam etdirilməsi vacibdir. Əks təqdirdə onun həyatı təhlükə altındadır.

Cənab Prezident!

Biz, aşağıda imza atan şəxslər, zərurət yaranarsa İntiqam Əliyevə zamin durmağa hazırıq. Ümid edirik ki, siz humanizm prinsiplərini əsas götürərək İntiqam Əliyevin hazırkı sağlıq durumunu nəzərə alacaq, onun haqqında çıxarılmış həbs qəti imkan tədbirinin qanunda nəzərdə tutulmuş digər qəti imkan tədbirləri ilə əvəz edilməsi üçün müvafiq göstəriş verəcəksiniz.

1. Cavad Cavadov - vəkil
2. Samirə Ağayeva - vəkil
3. Aynur İmranova - jurnalist
4. Əlayif Həsənov - vəkil
5. Natiq Cavadlı - jurnalist
6. Xalid Kazımov - jurnalist
7. İlhamiyyə Rzayeva - jurnalist
8. Bəxtiyar Hacıyev - ictimai fəal
9. Rasim Əliyev - jurnalist
10. Əlövsət Əliyev - hüquqşünas
11. Sevinc Süleymanlı - ictimai fəal
12. Fariz Namazlı - vəkil
13. Mirzə Sakit -şair
14. Feyruz Şivəxanov
15. Gunay İsmayılova - hüqüqşünas
16. Azər Mehdiyev - iqtisadçı
17. Aida Eyvazova - jurnalist
18. Ruslan Mustafazadə - hüquqşünas
19. İsmayıl Rəsulov - ehtiyatda olan zabit
20. Daşqın Qaraşlı - ictimai fəal
21. Humayat Rizvanqızı
22. Elçin Həsənov - hüquq müdafiəçisi
23. Mirvari Qəhrəmanlı - hüquq müdafiəçisi
24. Ellada Məmmədli - ictimai fəal
25. Rövşanə Rəhimli - hüquqşünas
26. Vüsalə Əhmədli - jurnalist
27. Tural Musayev hüquqşünas
28. Vüsalə Əhmədli - jurnalist
29. Ruslan Vəliyev - vəkil
30. İlqar Vəliyev - jurnalist
31. Elnarə Kərimova- jurnalist
32. Ələsgər Məmmədli - hüquqşünas
33. Mübariz Qarayev - vəkil
34. Samir Əliyev - iqtisadçı
35. Turan Bahadırbəyli - hüquqşünas
36. Gülnarə Rüstəmli - hüquqşünas
37. Ruslan Mustafazadə - hüquqşünas
38. Yeganə Vəliyeva - hüquqşünas
39. Gunay Musayeva - jurnalist
40. Sevil Nuriyeva - jurnalist
41. Nəcibə Rəfizadə - hüquqşünas
42. Elçin Həsənov -jurnalist
43. Sevinc Əliyeva -vəkil
44. Simnarə Mirzəyeva - hüquqşünas
45. Gülmayə Quliyeva - vəkil
46. Elnur Əliyev - hüquqşünas
47. Ramil Qurbanov - hüquqşünas
48. Elçin Abdullayev hüquq müdafiəçisi
49. Lətafət Məlikova - hüquq müdafiəçisi
50. Yaşar Ağazadə -hüquqşünas
51. Vəfa Rüstəm - Hüquqşünas
52. Zöhrab İsmayıl -iqtisadçı
53. Rahim Rəhimov - hüquqşünas
54. Əliəsgər Axundov - hüquqşünas
55. Abuzar Mütəllimov - vəkil
56. Azər Cəfərli - hüquqşünas
57. Camal Əhmədov - hüquqşünas
58. Faiq Nağıyev - vəkil
59. Əsabəli Mustafayev - vəkil
60. Şükür İzzətoğlu - hüquq müdafiəçisi
61. Azər Cəfərli - hüquqşünas
62. Məlahət Qisuri Zeynallı - jurnalist
63. Fuad Qəşəmov - vəkil
64. Arzu Abdullayeva - hüquq müdafiəçisi
65. Sevinc İsgəndərova - hüquq müadfiəçisi
66. Elşən Nağıyev - hüquq müdafiəçisi
67. Şəmşad Ağayev - jurnalist
68. Pərviz Əzimov - jurnalist
69. Bəkir Nərimanoğlu - jurnalist
70. Ruslan Əsəd - ictimai fəal"