Şimali Koreya hökuməti jurnalistləri hazırlığa çağırdı

"Ölkə.Az" xəbər verir ki, hazırda Şimali Koreyada 200 xarici jurnalist var. Bu barədə nüfuzlu "Reuters" agentliyi məlumat yayıb. Məlumatda deyilir:

"Koreya rəhbərliyi vacib hadisə barədə məlumat verməyib. Bununla yanaşı qeyd edilir ki, Şimali Koreya rəhbərliyi əvvəllər də belə bəyanatlarla çıxış edəndə məsələ yerli miqyasdakı hadisələrə aid olub".

Şimali Koreyada olan bir jurnalist isə belə məlumat verib: "Bizi cox vacib bir hadisə ilə bağlı xəbərdar etdilər. Bu onların rəhbəri Kim Çen İnin bəyanatı, dövlət bayramı, nüvə sınağı və raket sınağı da ola bilər. Jurnalistlərin fikrinə görə, ABŞ donanması yarımadaya və ya Seulu bombalamağa yaxınlaşanda Kim hücum əmri verə bilər". 

Jurnalist əlavə edib ki, Şimali Koreyada insanlar müharibəyə hazırlaşırlar. Televiziya vasitəsilə Trampın hədələri, imperialistlərin yaxınlaşdığı barədə propoqanda aparılır. Televiziya xalqı böyük müharibəyə və qələbəyə hazır olmağa səsləyib.

Mətbuatın xəbərinə əsasən, ABŞ hərbi donanmasına "Ohayo" raketdaşıyanı da qoşulub. Bu gəmidə 154 ədəd "Tomahavk" raketi var.

Cənubi Koreya mətbuatının xəbərinə görə, Şimali Koreyada insanlar bir-birləri ilə, evləri ilə, doğmaları ilə və s. ilə vidalaşırlar.

Çin KİV-nin yaydığı məlumata görə, çox sayda hərbçi və həkimlər Şimali Koreya ilə sərhədə göndərilib. Amma bu məlumat Çin hökuməti tərəfindən nə təsdiq, nə də inkar edilir.

Dünya mətbuatı qeyd edir ki, ABŞ-ın "Navy SEALS Team 6" xüsusi təyinatlıları da Koreya yarımadasına göndərilib. Xüsusi təyinatlılar Şimali Koreya liderini məhv etmək üçün hərəkətə keçəcəklər. Qeyd edək ki, Usamə Ben Laden məhz bu xüsusi təyinatlılar tərəfindən məhv edilib.

Hikmət
Ölkə.Az