Çin Suriya qətnaməsinə veto qoymadı

"Ölkə.Az" xəbər verir ki, Çin səsvermədə qətnamənin əleyhinə səs verməyib. ABŞ Çinin bu qərarını dəstəkləyib. ABŞ prezidenti Donald Tramp isə bu hadisəni ecazkar adlandırıb.

Ağ Evin mətbuat katibi Şon Spayser deyib: "Çinin səsvermədən çəkinməsi Trampın böyük diplomatik qələbəsidir".

BMT Təhlükəsizlik Şurasının cəmi 10 üzvü qətnamə layihəsinə səs verib. Rusiyadan başqa Boliviya da qətnamənin əleyhinə səs verib. Çin, Qazaxıstan, Efiopiya səsvermədən çəkinib.

ABŞ rəsmisi Nikki Heyli isə öz növbəsində Çinin qərarını belə şərh edib: "Bu gün Suriyanı məsuliyyətə cəlb etmək üçün keçirilən səsvermədən sonra ABŞ üçün güclü, Rusiya üçün zəif, Çin üçün yeni gündür. Bu gün Əsəd üçün dünyanın sonudur".

Qeyd edək ki, əvvəllər Çin keçirilən səsvermələrdə Rusiyanın tərəfini tuturdu. Nəticədə 2011-ci ildən bu yana Çin Suriya üzrə 6 qətnaməyə veto qoyub.

Hikmət
Ölkə.Az