Trampın Rusiya ilə “Twitter” oyunu

“Ölkə.Az” xəbər verir ki, Trampın sözlərinə görə, iki dövlət arasındakı münasibətlərin gələcək taleyi yaxşı olacaq.

“Rusiya və ABŞ arasında hər şey yaxşı olacaq. Vaxtı çatanda hamı “özünə gələcək” və hər şey qaydasına düşəcək”, - deyə Tramp bildirib.

Amerika başçısının mesajı çox çəkməyib ki, cavablandırılıb. Rusiya hökumətinin rəsmi Twitter hesabında Trampa təxmini olaraq eyni cavab verilib.

Trampın mesajına cavab olaraq Rusiya tərəfi ilk əvvəl yüksəliş işarəsini verən simvol, daah sonra isə “Əla” işarəsini göstərən, baş barmaq yuxarı qaldırılmış silvom qoyulub.

Qeyd edək ki, aprelin 12-də NATO-nun baş katibi Yens Stoltenberqlə birgə mətbuat konfransında Tramp Rusiyanın “güclü dövlət”, ABŞ-ın isə “çox-çox güclü ölkə” olduğunu bildirib. Tramp rusiyalı həmkarı Vladimir Putinlə münasibətlərin bərpa olunması üçün “gözəl” imkanın olduğunu qeyd edib: “Mən hamı ilə dil tapmaq niyyətindəyəm”.

Daha sonra Tramp Rusiyanı da sülhə çağırıb: “Hazırda baş verənlər, bu dəlilikdir ... İnanıram ki, Rusiya da sülhün tərəfdarıdır. Bu qorxudan qurtarmağın vaxtı gəlib. Bizə də, bütün dünyaya da sülh lazımdır”.

Ziya Səccad
Ölkə.Az