Suriyada ikitərəfli təxliyələr başladı
Suriyada müxaliflər və Əsəd rejimi arasında imzalanmış müqavilə çərçivəsində mühasirəyə alınmış 4 bölgədə ikitərəfli təxliyələr başlayıb.
"Ölkə.Az" xəbər verir ki, 4 mühasirə zonasından minlərlə mülki əhali və hərbçilər təxliyə edilir.
Dəməşqin qərbində rejimin mühasirəsində olan Madaya bölgəsindən 2.200, Zebadani rayonundan 150 hərbi müxalif və mülki vətəndaşın mindirildiyi avtobuslar bu gün səhər saatlarında yerindən tərpəniblər.
Zebadani tam boşaldılıb. Madayada isə 4 min nəfərlik mülki əhali və hərbi müxalifətdən ibarət qrup qalıb. Avtobuslar İdlib istiqamətində hərəkət edir. Təxliyə edilənlər düşərgələrə yeriləşdiriləcək.
Fua və Kefreya rayonlarından isə 8 min nəfər təxliyə ediləcək.
15 min nəfər əhalisi olan Fua və Kefreya rayonları Hizbullah və İran islam inqilabı keşikçiləri korpusuna aid hərbçilərin nəzarəti altındadır.
Hikmət
Ölkə.Az
