Yaponiya Cənubi Koreyadakı vətəndaşlarını təxliyə edir
Yaponiya Cənubi Koreyadakı 57 min vətəndaşını təxliyə etməyə hazırlaşır.
"Ölkə.Az" xəbər verir ki, Yaponiyanın milli təhlükəsizlik şurası bu barədə qərar qəbul edib. Buna səbəb isə regionda vəziyyətin get-gedə qəlizləşməsidir.
Bildirilir ki, Şimali Koreyanın nüvə sınaqları ehtimalı və ABŞ hərbi gəmilərinin regiona yaxınlaşması yapon rəsmilərini bu qərarı qəbul etməyə məcbur edib.
Rəsmi Tokio sərnişin nəqliyyatı ilə yanaşı hərbi təyyarə və gəmilər göndərmək üçün Cənubi Koreya rəhbərliyinin icazəsini almalıdır.
Hikmət
Ölkə.Az
