“Türkiyə və ABŞ bir-birinə lazımdır”
Bu barədə politoloq Arzu Nağıyev Ölkə.Az-a açıqlamasında bildirib. Onun sözlərinə görə, hər iki dövlətin bir neçə məsələdə maraqları var.
“Suriyada həm Türkiyənin, həm də ABŞ-ın özəl maraqları var. Bu həm Suriya, həm də İraqa, həm də PKK-ya aiddir. İki dövlət arasındakı problemlər FETÖ məsələsindən sonra yarandı. Fətullah Gülənin Türkiyəyə qaytarılması məsələsi ortaya çıxmışdı. Bundan başqa, unutmaq lazım deyil ki, NATO-nun böyük bir bazası incillikdə yerləşir”, - deyə A.Nağıyev bildirib.
Siyasətçi deyir ki, elə bu səbəbdən də, ABŞ-ın 45-ci prezidenti Donald Tramp Ərdoğanı təbrik edən ilk liderlərdən biri olub:
“Türkiyə Yaxın Şərqdə ABŞ-ın ən mühüm və strateji tərəfdaşıdır. Bu iki dövlət bir-birinə lazımdır. Türkiyəni təbrik edən birinci dövlətlərdən biri də Donald Tramp oldu. Bu məsələlər həm region, həm də dünya üçün böyük əhəmiyyət kəsb edir”.
Ziya Səccad
Ölkə.Az
