Qüdsdə sinaqoqa hücum etdilər

Netanyahu bu hadisəyə "kəskin cavab" veriləcəyini bilirib.

Ölkə.Az İnterfaksa-a istinadən xəbər verir ki, Qüds şəhərinin qərbində yerləşən və daha çox yəhudilərin məskunlaşdığı Har-Nuf rayonundakı sinaqoqa təşkil edilən silahlı hücum nəticəsində yeddi nəfər ölüb.

Har-Nuf rayon polisinin bildirdiyinə görə, Qüdsün sinaqoqa tapança, bıçaq və balta ilə silahlanmış iki nəfər hücum edib. Ən azı 8 nəfərin yaralandığı qeyd olunub.

İsrailin baş naziri Benyamin Netanyahu sinaqoqa edilən hücuma "kəskin cavab" veriləcəyini bəyan edib. Fələstin lideri Mahmud Abbas hələlik bu hadisəyə münasibət bildirməyib.

Qeyd edək ki, Qüdsdə son həftələr gərginliyin artması müşahidə olunub.

Rəşid Mustafazadə

Ölkə.Az