Ukrayna Rusiyanı danışıqlara dəvət etdi

"Hər şey ilk növbədə Rusiyanın prezidenti və onun ətrafından asılıdır"

Ölkə.Az Rosbalt agentliyinə istinadən xəbər verir ki, Ukrayna Rusiyanı Donbasdakı vəziyyətin deeskalasiyası ilə bağlı danışıqlara dəvət edib. Ukraynanın baş naziri Arseniy Yatsenük bunu bəyan edib.

"Biz Rusiya Federasiyasını neytral ərazidə ciddi danışıqların keçirilməsi üçün dəvət edirik. Bu məsələdə ABŞ və Avropa İttifaqı yardım edirlər", - deyə, Yatsenük Kiyevdə Norveçin baş naziri Erna Solberqlə keçirdiyi mətbuat konfransındakı çıxışında bildirib.

"Hər şey ilk növbədə Rusiyanın prezidenti və onun ətrafından asılıdır. Əgər o istəsə, Ukraynaya qarşı aparılan müharibəni dayandırmağa və beynəlxalq qanunvericilik qaydalarına riayyət etməyə kifayət qədər siyasi iradə ortaya qoya bilər. Biz danışıqlarımızı davam etdirməyə hazırıq",deyə, - baş nazir əlavə edib.

Arseniy Yatsenük onu da bildirib ki, Rusiya rəhbərliyinin sözlərinin arxasında yalnız vədlər gizlənir və real hərəkət yoxdur.

Xatırladaq ki, bir müddət öncə Yatsenük Ukraynanın şərqindəki vəziyyətə Jeneva formatının daha uyğun olduğunu bəyan etmişdi. Bu formata Ukrayna Aİ - ABŞ - Rusiya zənciri daxildir.

Rəşid Mustafazadə

Ölkə.Az