Fransa ikinci dəfə NATO-dan gedəcək?

1966-cı ildə Fransa NATO sıralarını tərk etmişdi.

Ölkə.Az Fransanın BFM telekanalına istinadən xəbər verir ki, "Milli cəbhən" partiyasının üzvü, Fransa Milli yığıncağının deputatı Marion Mareşal-Le Penin fikrincə, Fransa NATO-nun tərkibindən çıxmalıdır.

24 yaşlı deputat hesab edir ki, NATO yaradılarkən qarşısına qoyduğu məqsədlərə uyğun fəaliyyət göstərmit və onun mövcudluğu üçün heç bir əsas yoxdur.

1949-cu il aprelin 4-də Vaşinqtonda 12 dövlətin, o cümlədən, Fransanın iştirakı ilə Şimali Atlantika müqaviləsi imzalanmışdı. Bununla da NATO-nun əsası qoyulmuşdu. 1966-cı ildə Fransa NATO sıralarını tərk etsə də, 2009-cu ildə Nikolya Sarkozinin təklifi ilə yenidən qoşulmuşdu.

NATO təşkilatı sülhün qorunmasını və azadlıqların müdafiəsini siyasi həmrəylik yolu ilə təmin edən və üzvlərinə qarşı yönəlmiş istənilən aqressiya formalarının dəf edilməsini, lazım gəldikdə isə hərbi gücdən istifadə edilməsini nəzərdə tutan müstəqil dövlətlərin alyansıdır.

Rəşid Mustafazadə

Ölkə.Az