Nokia ilk planşetini təqdim etdi

"Nokia N1 iPad mini qədər keyfiyyətlidir"

Ölkə.Az Financial Times-a istinadən xəbər verir ki, Nokia şirkəti ilk planşetli kompyuterini təqdim edib. Çinin Foxconn texnoloji qrupu ilə birgə buraxdığı Nokia N1 planşeti ilə Nokia şirkətiMicrosoft mobil biznesini satdıqdan bir neçə ay sonra yenidən istehlak elektronikası bazarına geri dönüb.

Apple planşetlərinin yığılması ilə də məşğul olan Foxconn texnoloji qrupu Nokia tərəfindən işlənmiş standartlar və dizaynla OC Android bazasında planşet buraxmağa müvəffəq olub. Nokia şirkətinin texnologiyalar üzrə direktoru Ramzi Haydamusun fikrincə, N1 planşetləri Apple-ın buraxdığı iPad mini qədər keyfiyyətlidirlər, lakin yeni məhsulun qiyməti daha aşağı olacaq.

Təqdim olunan Nokia N1 7,9 düymlu displeyə, 32 qiqabayt əsas və 2 qiqabayt operativ yaddaşa malikdir. iPadın rəqibi olmağa iddialı olan yeni qurğu Intel Atom Z3580 prosessoru əsasında işləyir.

Rəşid Mustafazadə

Ölkə.Az