Qarabağ Azadlıq Təşkilatından sərt reaksiya

Millət vəkili Fəzail Ağamalının ardınca "Mado"dakı biabırçılağa növbəti reaksiya Qarabağ Azadlığı Təşkilatından gəlib. 

Ölkə.Az-a danışan QAT sədri Akif Nağı "Mado" restoranında baş verən xoşagəlməz hadisənin səbəbkarlarını cəzalandırmağa çağırıb.

"Kimlərsə əgər buna gedirsə, onlarda erməni qanı var. Bu gün Azərbaycanda damarlarında 30 000 erməni qanı axan insan var. Heç şübhəsiz ki, bu onların içərisindən gələn təşəbüsdür. Müəyyən erməni qruplarının, mərkəzlərinin verdiyi sifarişdir ki, onlardan pul alıb, bu cür irəncliklərə yol verirlər. Bu yolverilməz haldır, heç bir halda bu cür hallara yol vermək olmaz. "Mado" rəhbərliyi buna görə mütləq cavab verməlidir. Mado rəhbərliyi ermənilərin Azərbaycana etdiyi vəhşilikləri necə unuda bilər?! Bu gün belə bir həssas məqamda, girovların orada o cür məhkəmə qarşısına çıxarıldığı vəziyyətdə bu cür hərəkəti necə edə bilərlər?! Mütləq bu hadisəyə səbəb olan şəxslər tapılmalı və ciddi cəzalandırılmalıdırlar".

Qeyd edək ki, bir neçə gün bundan öncə "Mado" restoranında səsləndirilən erməni müğənni Şerlin Sarkisyanın "Believe" adlanan musiqisi müştərilərin ciddi etirazına səbəb olmuşdu. “Mado”-nun marketinq direktoru İlham Məmmədli isə öz “Facebook” profilindən hadisə haqqında “burada nə var ki” reaksiyasını verib.

Ölkə.Az