Azərbaycana qarşı qaralama kampaniyası aparılır

Bunu Milli Məclisin sədr müavini, Azərbaycanın ATƏT PA-da nümayəndə heyətinin rəhbəri Bahar Muradova Milli Məclisin plenar iclasında deyib. O bildirib ki, QHT ilə daha geniş aspektdə işlərin görülməsi və təcrübələr öyrənilməsinə imkan yaradır: “QHT-lərlə işləyərək Azərbaycan həqiqətlərini dünyaya çatdırmalıyıq. Beynəlxalq qurumlar qrantlar ayıraraq Azərbaycanda öz istəklərini yerinə yetirməyə cəhd edirlər. Bunun qarşısını ala bilmək üçün QHT-lərə Dövlət Dəstəyi Şurasına ayrılan vəsait artırılmalıdır. Hazırda bu vəsait 6 milyon manatdır. Düşünmürəm ki, bu rəqəm yetərli göstəricidir”.

Bahar Muradova dini maarifləndirmə sahələrinə də diqqət çəkib. O qeyd edib ki, hər il dini maariflənmə üçün dövlət tərəfindən vəsait ayrılır: “İcmaların maliyyələşdirilməsi üçün bu vəsaitlərdən istifadə olunur. Sözügedən icmaların maliyyələşməsi üçün aidiyyatı quruma ayrılan vəsait artırılmalıdır. Mən inanıram ki, büdcə zərfinin hazırlanması zaman bu məsələlər nəzərə alınacaq”./Anspress/

Ölkə.Az