Ebola ilə mübarizəyə nə qədər maliyyə sərf olunub?

Bu məbləğin 8-10 dəfə çox olacağı gözlənilirdi.

Ölkə.Az "RİA Novosti"-yə istinadən xəbər verir ki, Ümumdünya bankının Afrika şöbəsinin baş iqtisadçısı Fransisko Ferreyra Ebola virusu ilə mübarizəyə gözləniləndən 10 dəfə az maliyyənin sərf edildiyini bəyan edib.

Bildirilir ki, Qərbi Afrikada Ebola virusunun yayılmasına sərf olunan xərclərin miqdarı 3-4 milyard dollara çatıb, halbuki, bu məbləğin 8-10 dəfə çox olacağı gözlənilirdi.

Ümumdünya bankının Afrika şöbəsinin baş iqtisadçısı Fransisko Ferreyra qeyd edir ki, Ebolanın yayılması ssenarisinin ən pis halında belə sərf ediləcək maliyyə vəsaitinin 32 milyard dollara çatacağı ehtimal olunmuşdu.

Xatırladaq ki, bir müddət öncə "Ebola" virusundan ölənlərin sayının 4447-yə çatdığı bildirilmişdi. Ümumdünya Səhiyyə Təşkilatının ekspertlərinin məlumatına görə, yaxın zamanda bu təhlükəli xəstəliyə yoluxanların sayının 9 mini keçəcəyi gözlənilir.

Qeyd edək ki, Ebola epidemiyası ilə bağlı ən təhlükəli vəziyyət Qərbi Afrikada - Syerra-Leone, Liberiya və Qvineyada yaranıb. Ölümcül virus yeni ərazilərə yayılmaqda davam edir.

Rəşid Mustafazadə

Ölkə.Az