"Twitter"in bu yeniliyi bəzi istifadəçiləri üzəcək

Arxivdə olan tvit və ya kimin üçünsə mesajları rahatlıqla üzə çıxarmaq olacaq.

Ölkə.Az xəbər verir ki, Twitter şirkəti 2006-cı ildən etibarən yayımlanan bütün ictimaiyyətə açıq olan mesajlar üzrə axtarış sistemini işə salıb. Yarandığı gündən sosial şəbəkə onun istifadəçilərinin mikrobloqlarında yazdıqları bütün tvitləri yaddaşda saxlayıb.

Bundan sonra istənilən Twitter istifadəçisi haştaq, tarix, açar sözlər üzrə istənilən tvitini rahatlıqla tapa bilər. Bildirilir ki, bu yenilik tədqiqatçıların sosial şəbəkə üzrə apardıqları araşdırmalara xeyli dərəcədə yardım etsə də, bəzi istifadəçiləri üzüb.

Məsələ ondadır ki, mikrobloqlar servisinin işə düşməsindən sonra bir çox istifadəçilər şəxsi mesaj bölməsi ilə hər kəsə açıq olan paylaşım hissəsini səhv saldıqları üçün, bəzi anlaşılmazlıqlarla üzləşiblər. Vaxtilə bu əməlli-başlı qalmaqalın yaranmasına səbəb olmuşdu, indi isə arxivdə olan tvit və ya kimin üçünsə mesajları rahatlıqla üzə çıxarmaq olacaq.

Rəşid Mustafazadə

Ölkə.Az