Putin-Ərdoğan görüşünün əsas mövzüsu bəlli oldu

Putin və Ərdoğan əməkdaşlığın yeni istiqamətlərini müzakirə edəcəklər.

Ölkə.Az Rosbalt agentliyinə istinadən xəbər verir ki, Rusiya Federasiyasının prezidenti Vladimir Putin və onun həmkarı Rəcəb Tayyıb Ərdoğan dekabr görüşündə əməkdaşlığın yeni istiqamətlərini müzakirə edəcəklər.

Xarici səfirlərə etimadnamələrin təqdimat mərasimində çıxış edən Rusiya lideri qeyd edib ki, Türkiyə ilə münasibətlər keyfiyyətcə yeni mərhələyə keçməklə yanaşı, bir sıra sahələrdə, ilk öncə energetikada strateji xarakter daşımağa başlayıblar.

"Qeyd edim ki, Türkiyənin prezidenti Rəcəb Tayyıb Ərdoğanla bizim sıx qarşılıqlı əlaqələrimiz var. Biz dekabrda əməkdaşlıq şurasının sessiyasında irəli getmək üçün birlikdə yeni istiqamətləri müəyyən edəcəyimizi gözləyirik", - deyə Putin bildirib.

Xatırladaq ki, Rusiya prezidenti Vladimir Putinin Türkiyəyə təxirə salınmış səfərini dekabr ayının 3-ə təyin etmişdi. Rəcəb Tayyıb Ərdoğan Rusiya prezidentinin Türkiyəyə səfərinin təxirə salınmasını təyyarə insidenti ilə əlaqəsinin olmadığını bildirmişdi.

Rəşid Mustafazadə

Ölkə.Az