Putini öldürmək istəyən killer Ukrayna uğrunda vuruşacaq

Putinin çeçen "qatili" Ukrayna uğrunda vuruşmaq qərarına gəlib.

Ölkə.Az rusiya mətbuatına istinadən xəbər verir ki, Rusiya Federasiyasının prezidenti Vladimir Putinə sui-qəsd etməkdə təqsirləndirilən Adəm Osmayev Ukraynada qalmağı seçib. Bir müddət öncə həbsxanadan azad edilən Osmayev Donbasda hərbi əməliyyatlarda iştirak etməyə hazır olduğunu ifadə edib:

"Ukraynanın vətənpərvərlərinə müstəqilik uğrunda apardıqları mübarizdədə yardım etmək və bu ölkədə yaşayaraq Ukraynaya kömək etmək istəyirəm", - deyə, Osmayev bildirib.

"Сегодня"-nın yaydığı məlumata görə, onun həyat yoldaşı Əminə məsələ ilə bağlı danışıb:

"Biz çox güman ki, birlikdə şərqə gedəcəyik, lakin ilk öncə Adəmin yerli qeydiyyat məsələsini həll etmək lazımdır", - deyə, xanım qeyd edib.

Xatırladaq ki, bir müddət öncə Ukraynanın Odessa rayon məhkəməsi Rusiya prezidenti Vladimir Putinə qarşı sui-qəsd hazırlamaqda ittiham olunan Adəm Osmayevi azadlığa buraxmışdı. Odessada 2012-ci ilin avqustunda həbs olunan Adəm Osmayev Rusiya prezidentinə qarşı sui-qəsdə görə Ukraynanın Cinayət Məcəlləsinin üç maddəsi üzrə ittiham edilirdi.

Rəşid Mustafazadə

Ölkə.Az