Lavrovla Tillerson qaranlıq məsələlərdən danışıblar

"Ölkə.Az" xəbər verir ki, bu barədə Rusiya Xarici İşlər Nazirliyi məlumat yayıb. Məlumatda bildirilir ki, danışıq Amerika rəsmisinin təşəbbüsü ilə baş tutub.

Danışıq zamanı tərəflər iki ölkə arasındakl əlaqələri, eləcə də 3-4 may tarixlərində Astanada Suriyaya dair keçiriləcək beynəlxalq görüşü müzakirə ediblər. 

Söhbət zamanı mayın 10-11-də Ferbenksdə Arktik Şuranın toplantısı çərçivəsində görüşə dair  razılıq əldə edilib.

“Söhbət zamanı Suriya məsələsindəki fikir ayrılıqları və problemlər müzakirə edilib. Danışıq zamanı həmçinin Rusiya-ABŞ təmaslarının təqvimi müzakirə edilib. Tərəflər arasında həmçinin mayın 3-4-də Astanada Suriya üzrə görüş barədə qısa fikir mübadiləsi aparılıb”, - deyə məlumatda bildirilib.

Qeyd edək ki, Suriya probleminin həlli istiqamətində yeni görüş may ayının 3-4-də planlaşdırılıb. Görüşdə Rusiya, Türkiyə və İran nümayəndələri iştirak edəcək. ABŞ Departamenti də Astanada keçiriləcək Suriya danışıqlarının növbəti mərhələsində iştirak üçün dəvətnamə alıb.

Ziya Səccad
Ölkə.Az