Turanın verilişi niyə bağlanıb?
ATV-nin aparıcısı Turan İbrahimov telekanaldan uzaqlaşdırılmasıyla bağlı xəbərlərə aydınlıq gətirib.
"Ölkə.Az"-ın əməkdaşıyla söhbətində o, bildirib ki, yazılanlar həqiqəti əks etdirmir. İbrahimov aparıcısı olduğu "ATV səhər" verilişinin bağlanmasının səbəbi kimi rəhbərliyin qərarını göstərib:
"ATV-dəyəm və öz fəaliyyətimi davam etdirirəm. Həmçinin "ATV səhər"in komandası da bizimlədir. Layihənin dayandırılması rəhbərliyin qərarıdır. Onsuz da mövsümün sonuna bir ay qalmışdı".
Əməkdaşımızın "maraqlıdır, rəhbərlik niyə bir ayı dözmədi və layihəni bağladı" sualını İbrahimov belə cavablandırıb:
"Qoy o məqamı kim necə istəyir, ağlından, ürəyindən necə keçirsə, elə də izah etsin. Vaxt hər şeyi göstərəcək".
İntiqam VALEHOĞLU
Ölkə.Az
