Xərçəngin qarşısını hansı meyvə alır?

"Ölkə.Az" immunitet sistemini möhkəmləndirən, bədənin müqavimət gücünü artıran qida və meyvələrin siyahısını təqdim edir.

Sarımsaq

Təbii antibakterial, antiviral və antifungaldir (göbələyin qarşısını) təsirə malikdir. Sarımsağın tərkibində olan allikin maddəsi xərçəngin qarşısını alır. Eyni zamanda xolesterol və qan təzyiqini aşağı salır.

Qatıq

İmmunitet sisteminin 70-80 %-i bağırsaq florasından ibarətdir. Bu tarazlığı "yaxşı bakteriyalar" qoruyur və probiyotiklərin tərkibində olur. Probiyotiklər ən çox qatıq və kefirin tərkibində olur. Səhərlər bir stəkan qatıq immunitet sistemini gücləndirməyə kömək edir. Eyni zamanda qatığın tərkibində olan  D vitamini də orqanizmə faydalıdır.

Brokkoli

Qaraciyər üçün faydalıdır. Tərkibində olan kalsium, A, C və E vitaminləri orqanizm, xüsusən də qaraciyər üçün çox faydalıdır. Antioksidant təsiri də var.

İspanaq

Hüceyrələri bərpa edir. Tərkibində olan Foli turşusu, C vitamini, maqnezium, potasium hüceyrələri bərpa etməyə kömək edir.

Sitrus meyvələri

C vitamini ilə zəngindir. Əsasən qreyfrut, portağal, limon, naringi nəzərdə tutulur. Ürək-damar sistemi xəstəliyi olan, qanı duruldan dərman qəbul edən xəstələr qreyfrutdan istifadə edəndə diqqətli olmalıdırlar.

Darçın

Həzm sisteminə faydalıdır. Təbii antibakterial, antiviral və antifunqal xüsusiyyətə malikdir. Həzmə kömək edir, qanın tərkibində şəkərin miqdarını normallaşdırmağa müsbət təsir edir.

Qarpız

Tərkibində yüksək miqdarda likopen maddəsindən başqa A və C vitaminləri də var. Müxtəlif bakteriyaların məhv edilməsinə kömək edir.

Qabıqlı dəniz məhsulları

İstiridyə dəniz ilbizi, xərçəng kimi dəniz məhsullarının tərkibində bol miqdarda selenium var. Qrip viruslarına qarşı ağ qan hüceyrələrinin sitokin istehsal etməsinə kömək edir. Tərkibində omega-3 yağları olan balıqlar da nəfəs yolları infeksiyalarında ağciyəri qoruyur.

Qırmızı bibər

Tərkibində C vitamini və beta-karoten çoxdur. İmmunitet sistemini gücləndirməklə yanaşı dəriyə və gözə çox faydalıdır.

Kivi

Xırıltılı nəfəsalmanın qarşısını alır. Tərkibində folat, potasium, K və C vitaminləri boldur. Tənəffüs yollarına faydalıdır. Soyuqdəymədən sonra yaranan öskürək və xırıltılı nəfəsalmanın qarşısını alır.

Hikmət
Ölkə.Az