ABŞ-da kollecə silahlı hücum

"Ölkə.Az" xəbər verir ki, hadisə Texas ştatının İrvinq şəhərində yerləşən kollecdə qeydə alınıb. Bu barədə yerli polisdən məlumat yayılıb. Polisin rəsmi “Twitter” səhifəsində qeyd edilib ki,  baş verən silahlı hadisə zamanı 2 nəfər ölüb.

İlkin məlumata əsasən, naməlum şəxs odlu silahdan atəş açaraq bir nəfəri öldürüb. Bu barədə məlumat daxil olan kimi kollecin binası polsilrə tərəfindən mühasirəyə alınıb. Hadisəni törədən şəxs bu vəziyyətdə özünə atəş açaraq intihar edib.

“Hadisə barədə məlumat daxil olan kimi ətraf ərazilər nəzarətə götürüldü. Kollecin binasına polis əməkdaşları yeridildi. Kollecdə bir nəfəri öldürən şəxs sonradan özünə atəş açaraq intihar edib. Artıq təhlükə sovuşub. Polislər ərazidə təhlükəsizlik tədbirlərini gücləndiriblər”, - deyə “Twitter” bildirilib.

Ziya Səccad
Ölkə.Az