İsveçdə keşişin qızı müsəlman oldu

Keşiş qızının fikrinə hörmətlə yanaşır.

Ölkə.Az İsveçin SVT dövlət televisiyasına istinadən xəbər verir ki, Upsala şəhərində yaşayan keşişin qızı olan Jannika Sand Qurandan təsirlənərək müsəlmanlığı qəbul edib.

Televiziyanın əməkdaşları eyni evdə yaşayan ata ilə müsəlman qızının qonaqı olublar və xristian ata ilə müsəlmanlığı qəbul etmiş qızın mehribanlıq şəraitində necə yaşadıqlarını nümayiş etdiriblər.

İsveç kilsəsində xristian təhsili alaraq böyüdüyünü söyləyən 25 yaşlı Jannika Sand Quran oxuduqda Allahın özünə birbaşa səsləndiyini hiss edib və müsəlman olmağa qərar verdiyini söyləyib. Atasının qibləni göstərməkdə köməkçi olduğunu söyləyən İsveçli xanım, telefonuna endirdiyi proqram sayəsində azan vaxtlarından xəbərdar olduğunu və namazını qıldığını qeyd edib.

Qızının ilk zamanlar ibadət formasının qəribə gəldiyini izah edən Sunnersta kilsəsinin baş keşişi Rabbe Sand, artıq alışdığını və qızının fikrinə hörmətlə yanaşdığını söyləyib.

Rəşid Mustafazadə

Ölkə.Az