İraqda bazara girən avtomobil partladıldı

“Ölkə.Az” xəbər verir ki, İraqın qərbində Ənbər əyalətinin inzibati mərkəzi olan Ramadi yaxınlığında yerləşən Hədis şəhərinin bazarında qeydə alınıb. Terror nəticəsində azı beş nəfər həlak olub, altı nəfər yaralanıb.

Yerli Kütləvi İnformasiya Vasitələrindən verilən məlumata görə, bomba ilə yüklənmiş avtomobil bazara girib. Bazar ərazisində maşını idarə edən sürücü onu partladıb. Hadisə nəticəsində “canlı bomba” da ölıüb.

Məlumat daxil olan kimi hadisə yerinə hüquq-mühafizə orqanları cəlb olunublar. Polislər ərazidə təhlükəsizlik tədbirləri görüblər. Bazar və yaxınlıqdakı insanlar təxliyyə olunublar. 

İlkin ehtimala görə, hadisə İŞİD terrorçuları tərəfindən törədilib. Lakin hələlik nə İŞİD, nə də digər terror təşkilatlarından hadisə ilə əlaqədar açıqlama verilməyib.

Qeyd edək ki, İŞİD terrorçuları İraqda insanların sıx məskunlaşdığı ərazilərdə, əsasən də bazar, xəstəxana, məktəb və digər inzibatı yerlərdə terror aktları törədirlər.

Ziya Səccad
Ölkə.az